Nga Rajoni

Serbia me skenar për ta penguar anëtarësimin e Kosovës në UNESCO

Serbia me skenar për ta penguar anëtarësimin e Kosovës në UNESCO

Policisë së Kosovës i është ndezur “alarmi i kuq” dhe kanë rritur masat e sigurisë rreth objekteve të Kishës Ortodokse në Kosovë. Patrikana e Pejës dhe Kisha e Graçanicës janë objektet e kultit ortodoks, ku në çdo kohë tash shihet prezenca e policisë së Kosovës, e cila i ka shtuar masat e mbikëqyrjes së rregullt.

Lajmi.net mëson se këto masa sigurie u janë paraqitur si nevojë Policisë së Kosovës për shkak të posedimit të informacioneve, se pas rekomandimit të Bordit Ekzekutiv të UNESCO-s për pranim të Kosovës në agjencinë më të rëndësishme të OKB-së, struktura të sigurisë së Serbisë po planifikojnë vetë të ndërmarrin sulme kundër Kishave Ortodokse në Kosovë.

“Tendencat vijnë prej vetë shërbimeve të sigurisë dhe inteligjencës serbe, të cilat krahas politikës dhe propagandës së egër kundër Kosovës në UNESCO, po planifikojnë të përkrahin edhe grupe të caktuara të serbëve që të kryejnë sulme ndaj objekteve të kultit ortodoks, që ta dëmtojnë fushatën lobuese të Kosovës në botë, ta dëmtojnë imazhin e Kosovës për tolerancën fetare dhe si rezultat ta pengojnë edhe anëtarësimin e Kosovës në UNESCO”, thonë burime brenda policisë së Kosovës për lajmi.net.

Gjithashtu, sipas informacioneve që posedon Policia e Kosovës, grupe të caktuara të serbëve janë duke u organizuar për të shkruar edhe grafite me përmbajtje ekstremiste fetare dhe nacionaliste në muret e disa prej objekteve të kultit serb, për t’i përdorur pastaj këto në propagandën e tyre si reaksione të shqiptarëve dhe për të arritur efektin e pritur pengues të anëtarësimit të Kosovës.

“Situata pritet të tensionohet dhe të jetë më problematike deri më 18 nëntor, kur edhe pritet të mblidhet Asambleja e Përgjithshme e UNESCO-s, sepse në këtë periudhë mund edhe t’i materializojnë këto tendenca dhe ta pengojnë anëtarësimin e Kosovës. Kemi urdhër që gjatë kësaj periudhe t’i monitorojmë edhe hyrje-daljet e pelegrinëve ortodoks dhe të tjerëve nëpër kisha ortodokse”, thonë këto burime brenda policisë për lajmi.net.

Pas rekomandimit për pranim të Kosovës në UNESCO, autoritetet serbe kishin paralajmëruar luftë të ashpër me mjete diplomatike, politike dhe me gjithçka që e shohin të nevojshme për të mbrojtur qëndrimin e tyre për ruajtjen, sipas tyre, të trashëgimisë kulturore serbe në Kosovë.

Para vendimit të Bordit Ekzekutiv të UNESCO-s, autoritetet e Serbisë kishin përgatitur edhe material propagandues, me video incizime për “trashëgiminë kulturore serbe” në Kosovë, me qëllim të “informimit” të korit diplomatik në Serbi.

Comments
Nga Rajoni

Më shumë Nga Rajoni

Hashim-Tha--i-480x300

Thaçi: Sa më shumë gaz e dhunë në Kuvend më e zbehtë përkrahja për UNESCO

Televizioni Globi31 Tetor, 2015
Haradinaj

Haradinaj i ashpër me sigurimin e parlamentit, hyn me forcë në Kuvend (VIDEO)

Televizioni Globi31 Tetor, 2015
8DC8163F8FD9F7962DB168955E83E191

Tërmet në Bulqizë, dridhet dhe Dibra (FOTO)

Televizioni Globi31 Tetor, 2015
1446201289mbledhja-qeveria-msa

Kosovë, qeveria miraton projektligjin për ratifikimin e MSA-së

Televizioni Globi30 Tetor, 2015
1446208742anijasirianegreiq

Tjetër dramë me refugjatë në Egje, Tsipras sulmon BE-në: Po derdh lotë krokodili

Televizioni Globi30 Tetor, 2015
A76CC174F7CBD8CFA21AA9C8F7BC50F4

Operacioni antidorgë, Korçë, sekuestrohen 700 kg kanabis, 2 automatikë e 1 pushkë, pranga poseduesit

Televizioni Globi29 Tetor, 2015
1446115547opo

Fischer në Parlamentin e Kosovës, opozita shpalos parullat

Televizioni Globi29 Tetor, 2015
218815

Presidenti i Austrisë fillon vizitën dy ditore në Kosovë

Televizioni Globi28 Tetor, 2015
1445692242qeveriamustafa

Qeveria e Kosovës dënon dhunën: Opozita të kthehet në Kuvend

Televizioni Globi24 Tetor, 2015
Televizioni Globi Gostivar
Bulevard Goce Dellcev pn
Qendra Tregtare City Center II/7
+389 42 210 043
nfo@globi.mk

2015 Të gjitha të drejtat e rezervuara