Nga Rajoni

Qeveria e Kosovës dënon dhunën: Opozita të kthehet në Kuvend

Qeveria e Kosovës dënon dhunën: Opozita të kthehet në Kuvend

Kryeministri i Kosovës, Isa Mustafa e dënoi dhunën e mbrëmjes së të premtes në seancën e Kuvendit të Kosovës dhe vlerësoi lartë punën e forcave të rendit si dhe sjelljen e kulturuar, siç u shpreh ai, të deputetëve të pozitës.

Në mbledhjen e qeverisë të shtunën, ai ftoi edhe njëherë opozitën që t’i kthehet punës në Kuvend duke ritheksuar se askush nuk mund ta ndalë punën e organit më të lartë ligjvënës.

“Vlerësoj sjelljen tepër të kulturuar të deputetëve të opozitës sepse e kanë patur të vështirë të punojnë në ambient të tillë, por edhe të kryetarit të Kuvendit, i cili ka gjetur mënyrën më të mirë që të vazhdojmë punën. Me këtë, Kuvendi ka treguar se mund të funksionojë dhe se askush s’mund ta ndalë punën e tij, se koalicioni është krejtësisht i qëndrueshëm dhe i përgjegjshëm. Ne si qeveri e përkrahim punën e Kuvendit. I bëjmë thirrje opozitës që t’i kthehet punës normale, të zbatojë ligjin dhe rregulloren e punës së Kuvendit”, tha Mustafa.

Kritik ndaj opozitës ka qenë edhe zv.kryeministri Hashim Thaçi, i cili tha se koalicioni qeverisës gëzon legjitimitet të plotë me shumicën në Kuvend.

“Mbështes fuqishëm qëndrimin që kemi mbajtur. Është e rëndësishme që partnerët e koalicionit janë të vendosur për të vazhduar punën, me legjitimitetin qytetar, me 3/4 në parlament. 3/4 nuk janë vetëm numra, por edhe legjitimitet i plotë. Nga ana tjetër, askush nuk do të mundë të sfidojë Republikën e Kosovës. Ky është viti europian i Kosovës dhe skenat që vijnë nga opozita nuk përkojnë me traditën tonë”, tha Thaçi.

Ministri i Punëve të Brendshme, Skendër Hyseni duke raportuar për situatën dhe rolin e policisë në seancën e së premtes, tha se policia ka qenë e sfiduar, pasi sipas tij rrallë ndonjë polici është e përgatitur që të përballet me mbrojtjen e tempullit të demokracisë.

“Unë konsideroj që është arritje demokracisë mbajtja dhe përfundimi i seancës së parashikuar sipas rendit të ditës nga Kryesia e Kuvendit. Policia dhe institucionet e tjera do të kryejnë punën e vet në pajtim me ligjin dhe janë të përkushtuara që të mbrojnë institucionet rendit, qetësinë publike dhe dhuna e përdorur, e treguar në disa nga protestat e kohëve të fundit është e papranueshme për qytetarët e Kosovës. I përgëzoj qytetarët që të mos bëhen pjesë e dhunës që dëshmohet kundër institucioneve të Kosovës”, tha Hyseni.

Është bërë e ditur se gjatë ndërhyrjes për të shpërndarë protestuesit janë arrestuar dhjetë protestues. Sipas policisë si pasojë e dhunës është lënduar një zyrtar policor, i cili ka kërkuar ndihmë mjekësore.

Comments
Nga Rajoni

Më shumë Nga Rajoni

Hashim-Tha--i-480x300

Thaçi: Sa më shumë gaz e dhunë në Kuvend më e zbehtë përkrahja për UNESCO

Televizioni Globi31 Tetor, 2015
Haradinaj

Haradinaj i ashpër me sigurimin e parlamentit, hyn me forcë në Kuvend (VIDEO)

Televizioni Globi31 Tetor, 2015
8DC8163F8FD9F7962DB168955E83E191

Tërmet në Bulqizë, dridhet dhe Dibra (FOTO)

Televizioni Globi31 Tetor, 2015
1446201289mbledhja-qeveria-msa

Kosovë, qeveria miraton projektligjin për ratifikimin e MSA-së

Televizioni Globi30 Tetor, 2015
1446208742anijasirianegreiq

Tjetër dramë me refugjatë në Egje, Tsipras sulmon BE-në: Po derdh lotë krokodili

Televizioni Globi30 Tetor, 2015
A76CC174F7CBD8CFA21AA9C8F7BC50F4

Operacioni antidorgë, Korçë, sekuestrohen 700 kg kanabis, 2 automatikë e 1 pushkë, pranga poseduesit

Televizioni Globi29 Tetor, 2015
1446115547opo

Fischer në Parlamentin e Kosovës, opozita shpalos parullat

Televizioni Globi29 Tetor, 2015
218815

Presidenti i Austrisë fillon vizitën dy ditore në Kosovë

Televizioni Globi28 Tetor, 2015
Kosova-n---UNESCO-480x267

Serbia me skenar për ta penguar anëtarësimin e Kosovës në UNESCO

Televizioni Globi28 Tetor, 2015
Televizioni Globi Gostivar
Bulevard Goce Dellcev pn
Qendra Tregtare City Center II/7
+389 42 210 043
nfo@globi.mk

2015 Të gjitha të drejtat e rezervuara